Ekonomio di Brazilia
| Ekonomio di Brazilia | ||
|---|---|---|
| Pekunio | Real | |
| Internaciona organizuri | MOK, Mercosur, BRICS, G-20 ed altri | |
| Statistiki [1] | ||
| Totala nacionala produkturo (TNP) | US$ 3 128 miliardi (2021) | |
| Rango TNP | 8ma[2] maxim granda | |
| Kresko di TNP | 4,62% (2021) | |
| TNP po persono | US$ 14 600 (2021) | |
| TNP segun sektoro | agrokultivo 6,6%, industrio 20,7%, servadi 72,7% | |
| Inflaciono | 8,3% (2021) | |
| Habitantaro sub la povreso-lineo | 4.2% cirkume 4% de la habitantaro esas sub "extrema povreso" (2016) | |
| Laboro-povo | 99 470 000 (2021) | |
| Laboro-povo segun okupo | agrokultivo 9,4%, industrio 32,1%, servadi 58,5% (2017) | |
| Chomeso | 14,4% (2021) | |
| Komercala parteneri [1] | ||
| Exportaci (US$) | 317 175 milioni (2021) | |
| Exportaci - precipua produkturi | soyo, kruda petrolo, fero, maizo, produkturi ek celulozo (2019) | |
| Precipua parteneri | Popul-Republiko Chinia 28%, Usa 13% (2019) | |
| Importaci (US$) | 297 924 milioni (2021) | |
| Precipua parteneri | Popul-Republiko Chinia 21%, Usa 18%, Germania 6%, Arjentinia 6% (2019) | |
| Publika financi [1] | ||
| Extera debo | 547,2 miliardi (2017) | |
| Revenuo totala (US$) | 733,7 miliardi (2017) | |
| Spenso totala (US$) | 756,3 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Historiale, l'ekonomio di Brazilia esas la maxim granda de Latin-Amerika e de sudala misfero, e la 9ma maxim granda de la mondo, segun The World Factbook[1]. Komerco e servadi reprezentis 67% de lua TNP, l'industrio 27,5% e l'agrokultivo 5,5% en 2011. En 2017, la procentala reprezento esis rispektive 72,7%, 20,7% e 6,6%[1]. En 2021, la TNP po persono esis 14 600 dolari[1].
La lando esas richa en naturala resursi, e havas la duesma maxim granda industriala sektoro di Amerika, dop Usa. De 2000 til 2012 ol esis un ek la landi kun maxim rapida ekonomiala kresko en la mondo. Tamen, en 2013 la procentala kresko dil ekonomio diminutis, ed en 2014 l'ekonomio subisis krizo e diminutis til 2017, kande gradope komencis rekuperar su. Quale en altra landi, Brazilian ekonomio subisis efekti de la pandemio di KOVID-19 e diminutis per 3,88% en 2020[1]. En 2021 komencis rekupero, e la lando kreskis 4,62%[1], tamen, la povreso en tota la lando augmentis de 2019 til 2021, kande 62,9 milion individui, o 29% ek la tota habitantaro, transvivis kun min kam 497 "reais" po monato[3]. En du yari, plusa 9,6 milion individui subiris la povreso-lineo[3]. Antralatere, en 2020 la lando havis la 7ma maxim granda quanto di miliardieri de la mondo, segun revuo Forbes[4]. To montras la granda koncentro di richeso en manui di poka individui.
En 2008, Brazilia produktis 2,9 milion automobili. Brazilia produktas ed exportacas anke avioni (EMBRAER), mashini, elektrikal equipuri, shui, nutrivi e drinkaji. Granda parto di lua industrio koncentresas en la Sud-estala regiono (Sao Paulo, Rio de Janeiro e Minas Gerais), ma ank altra stati havas importanta industriala agado. La precipua agrokultivala produkturi por exportaco esas soyo, kafeo, oranjo, karno, sukro e tropikala frukti.
La precipua komercala konsorti di Brazilia esas Europana Uniono, stati membri di Mercosur, Popul-Republiko Chinia ed Usa.
Referi
[redaktar | redaktar fonto]- ↑ 1,0 1,1 1,2 1,3 1,4 1,5 Brazil - The World Factbook - Publikigita da CIA. URL vidita ye 8ma di aprilo 2023.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ 3,0 3,1 Retrospectiva 2022: Mapa da nova pobreza revela que 29,6% dos brasileiros têm renda familiar inferior a R$ 497 mensais - Publikigita da FGV. Dato di publikigo: 30ma di decembro 2022. Idiomo: Portugalana.
- ↑ World's Billionaires List - Publikigita da Forbes. URL vidita ye 7ma di oktobro 2023. Idiomo: Angla.